سہیل آفریدی سیاسی شہید بننے روش ترک کریں :فیصل کنڈی
پشاور(مانیٹرنگ ڈیسک)گورنر خیبرپختونخوا فیصل کریم کنڈی نے کہا کہ صوبائی حکومت مکمل طور پر بے راہ روی کا شکار ہو چکی ،کھلے عام ریاست کی رٹ چیلنج ہو رہی ہے۔
جب خیبر پختونخوا کو استحکام، سنجیدگی اور متحد قیادت کی سب سے زیادہ ضرورت ہے یہ انتہائی افسوس ناک امر ہے کہ وہ ایک سزا یافتہ شخص کو صوبے کی قیادت سونپنے کی کوشش کر رہے ہیں ،ایکس پر بیان میں انہوں نے کہا انہیں ایک پُرامن اور محفوظ خیبر پختونخوا ملا تھا، مگر ان کی غیر ذمہ دارانہ پالیسیوں نے صوبے کو ایک بار پھر عدم تحفظ کی طرف دھکیل دیا وزیراعلیٰ خیبر پختونخوا سہیل آفریدی کو چاہیے کہ وہ خود کو سیاسی شہید بنانے کی روش ترک کریں ،اگر واقعی صوبے اور عوام کی خدمت کرنی ہے تو اشتعال انگیزی اور ڈرامہ بازی سے بالاتر ہو کر سامنے آئیں اور ہمارے ساتھ مل کر خیبر پختونخوا کے حقوق کے لئے ریاست اور وفاق کے سامنے سنجیدہ اور ذمہ دارانہ طریقے سے آواز اٹھائیں۔
