سہیل آفریدی،گنڈاپور اور اسد قیصر کے مقدمات تفصیلات کیلئے درخواستوں پر 7دن میں رپورٹ جمع کرانے کی ہدایت
پشاور(مانیٹرنگ ڈیسک)وزیر اعلیٰ سہیل آفریدی، سابق وزیر اعلیٰ علی امین گنڈاپور اور اسد قیصر کی مقدمات تفصیلات کے لیے دائر درخواستوں پر سماعت پشاور ہائی کورٹ میں ہوئی۔
سماعت چیف جسٹس ایس ایم عتیق شاہ کی سربراہی میں 3 رکنی بینچ نے کی۔ وفاقی پراسیکیوٹر نے سماعت ملتوی کرنے کی درخواست دی جس پر چیف جسٹس نے برہمی کا اظہار کیا۔ عدالت نے وفاقی حکومت کے عدم تعاون پر بھی تحفظات ظاہر کیے ۔عدالت نے ہدایت کی کہ 7 دن میں رپورٹ جمع کرائی جائے ۔ جن درخواست گزاروں نے کمشنر اسلام آباد کو مقدمات کی تفصیلات کے لیے رجوع کیا ہے انہیں حفاظتی ضمانت دے دی گئی جبکہ دیگر کو فوری درخواست دینے کی ہدایت کی گئی۔
روزنامہ دنیا ایپ انسٹال کریں
