اسلام آباد ہا ئیکور ٹ نے رواں سال 15805مقدمات نمٹائے
جسٹس انعام منہاس کا پہلا ،جسٹس اعظم کا دوسرا ،جسٹس محمد آصف کا تیسرا نمبر جسٹس محسن کیانی 1081، جسٹس طارق جہانگیری نے 706کیسز انجام تک پہنچائے
اسلام آباد(رضوان قاضی)اسلام آباد ہائیکورٹ نے سال2025کے دوران 15805 کیسز نمٹا دیئے ،سنگل بینچز نے 11108 جبکہ لارجر اور ڈویژن بینچز نے 4697 کیسز نمٹائے ۔ یکم جنوری سے 23دسمبر 2025 کی جاری رپورٹ کے مطابق جسٹس انعام امین منہاس رواں سال کے دوران2039 کیسز نمٹا کر سرفہرست رہے ،جسٹس محمد اعظم خان 1841کیسز نمٹا کر دوسرے جبکہ جسٹس محمد آصف 1338 کیسز نمٹا کر تیسرے نمبر پر رہے ۔ رپورٹ کے مطابق چیف جسٹس سرفرازڈوگر نے 1223کیسز جبکہ بطورقائم مقام چیف جسٹس 13کیسز نمٹائے ، جسٹس محسن اخترکیانی نے 1081،جسٹس میاں گل حسن اورنگزیب نے 107،جسٹس طارق محمود جہانگیری نے 706،جسٹس بابر ستار نے 387،جسٹس سرداراعجازاسحاق خان نے 347،جسٹس ارباب محمد طاہر نے 812،جسٹس ثمن رفعت امتیاز نے 685،جسٹس خادم حسین سومرو نے 529کیسز نمٹائے ۔
چیف جسٹس، جسٹس ارباب محمد طاہر اور جسٹس اعظم خان پر مشتمل لارجر بینچ نے 32،چیف جسٹس، جسٹس اعظم خان اور جسٹس انعام امین منہاس پر مشتمل لارجر بینچ نے ایک، جسٹس طارق محمود جہانگیری، جسٹس بابر ستار اور جسٹس سرداراعجازاسحاق خان پر مشتمل لارجر بینچ نے ایک کیس،جسٹس خادم حسین سومرو، جسٹس اعظم خان اور جسٹس انعام امین منہاس پر مشتمل لارجر بینچ نے بھی ایک کیس نمٹایا۔ چیف جسٹس اور جسٹس طارق محمود جہانگیری پر مشتمل ڈویژن بینچ نے 2 کیسز نمٹائے ،ڈویژن بینچ میں سے جسٹس بابر ستار اور جسٹس سرداراعجاز اسحاق خان پر مشتمل بینچ نے سب سے زیادہ412 کیسز نمٹائے ،جسٹس بابر ستار اور جسٹس سرداراعجاز اسحاق خان پر مشتمل بینچ ٹیکسز سے متعلق کیسز کی سماعت کیلئے بنایا گیاتھا۔
