الیکشن کمیشن :پنجاب میں بلدیاتی انتخابات نہ کرانے کا سخت نوٹس
چیف سیکرٹری ، لوکل گورنمنٹ سیکرٹری 22جنوری کو ذاتی حیثیت میں طلب
اسلام آباد(مانیٹرنگ ڈیسک)الیکشن کمیشن نے پنجاب میں بلدیاتی انتخابات نہ کرانے پر سخت نوٹس لیتے ہوئے چیف سیکرٹری اور سیکرٹری لوکل گورنمنٹ کو طلب کرلیا۔الیکشن کمیشن کی جانب سے جاری نوٹس کے مطابق چیف سیکرٹری اور سیکرٹری لوکل گورنمنٹ کو 22 جنوری کو ذاتی حیثیت میں طلب کیا گیا ہے ۔الیکشن کمیشن نے حکومت پنجاب کی یقین دہانی پر عمل درآمد نہ ہونے پر سماعت مقرر کر دی اور کہا حلقہ بندی رولز اور یونین کونسلوں کا نوٹیفکیشن تاحال فراہم نہیں کیا جا سکا۔مزید بتایا گیا انتخابات کے انعقاد کے لئے مزید کارروائی کی جائے گی۔پنجاب میں لوکل گورنمنٹس کی مدت 31 دسمبر 2021 کو ختم ہو چکی ہے ۔
روزنامہ دنیا ایپ انسٹال کریں
