سرگودھا: شدید دھند کے باعث ٹرک نہر میں جا گرا، 14 افراد جاں بحق، کئی زخمی
سرگودھا: (دنیا نیوز) شدید دھند کے باعث سرگودھا میں مزدا ٹرک نہر میں گرنے سے 14 افراد جان کی بازی ہار گئے جبکہ المناک حادثے میں کئی افراد زخمی ہوگئے۔
ریسکیو حکام نے بتایا کہ یہ المناک حادثہ سرگودھا کی تحصیل کوٹ مومن کے علاقہ گلہ پور بنگلہ کے قریب پیش آیا، 23 افراد منی ٹرک میں سوار ہوکر جنازے میں شرکت کیلئے جا رہے تھے۔
انہوں نے بتایا کہ شدید دھند کے باعث حد نگاہ کم ہونے سے منی ٹرک سڑک سے اتر کر خشک نہر میں جاگرا، ٹرک کے نیچے دب کر 7 افراد موقع پر ہی جاں بحق ہوگئے،
ریسکیو اہلکاروں نے جاں بحق افراد کی لاشوں اور دیگر شدید زخمی ہونے والے افرد کو ٹی ایچ کیو ہسپتال منتقل کر دیا جہاں دوران علاج مزید 7 افراد دم توڑ گئے۔
