روس پاکستان تعلقات حقیقی معنوں میں باہمی طور پر مفید ہیں، صدر پیوٹن
ماسکو: (دنیا نیوز) روسی صدر ولادیمیر پیوٹن نے کہا ہے کہ روس پاکستان تعلقات حقیقی معنوں میں باہمی طور پر مفید ہیں۔
پاکستانی سفیر فیصل نیاز ترمذی نے روسی صدر کو سفارتی اسناد پیش کیں، اس موقع پر روسی سفارتخانے نے صدر ولادیمیر پیوٹن کی پاک روس تعلقات پر کی گئی گفتگو جاری کر دی۔
روسی صدر ولادیمیر پیوٹن نے کہا ہے کہ پاکستان کے ساتھ قریبی تعاون جاری رکھے ہوئے ہیں، پاکستان شنگھائی تعاون تنظیم کا مکمل رکن ہے، شنگھائی تعاون تنظیم خطے کی سب سے بڑی علاقائی تنظیم ہے۔
سفیر پاکستان فیصل نیاز ترمذی کا کہنا تھا کہ پاکستان اور روس کے درمیان مختلف شعبوں میں تعاون بڑھ رہا ہے، روس میں مقیم پاکستانی برادری سے روابط کو ترجیح دی جائے گی۔
