گارمنٹس کا کاروبار کرنیوالی خاتون کی درد بھری کہانی
کراچی(مانیٹرنگ ڈیسک)گل پلازہ میں آتشزدگی کے دوران جہاں سینکڑوں تاجروں کا سامان دکانوں سمیت جل کر خاکستر ہوگیا۔
وہیں اپنے شوہر کے ساتھ گارمنٹس کا کاروبار کرنے والی خاتون کی درد بھری کہانی بھی سامنے آئی ہے جن کی زندگی بھر کی جمع پونجی آگ کی نذر ہوگئی۔انعم نامی خاتون کے شوہر کی گزشتہ 15 سال سے گل پلازہ کی بیسمنٹ میں گارمنٹس کی دکان تھی جہاں ہفتے کے روز ہی لاکھوں روپے کا مال ڈالا گیا تھا۔ انعم خاتون نے بتایا کہ 1998 سے شوہر گل پلازہ میں کام کرتے تھے ،واقعے کے وقت شوہر اور بچے بھی ساتھ دکان میں موجود تھے ، اچانک آگ لگی پھر دھواں بھر گیا اور اندھیرا چھا گیا، ہم نے جلدی میں کچھ بھی نہیں اٹھایا۔متاثرہ خاتون نے بتایا کہ سیزن کی وجہ سے لاکھوں روپے کا مال اس شام دکان میں ڈالا تھا جو بھسم ہو گیا ، حکومت سے درخواست ہے کہ جلد از جلد کوئی بندوبست کرے ۔
