وزیر اعظم سے ملاقات ،مصباح اور اظہر سے وضاحت طلب
سنٹرل کنٹریکٹ یافتہ نہ ہونے کی وجہ سے محمد حفیظ وضاحت دینے سے بچ گئے
لاہور(سپورٹس رپورٹر)پاکستان کرکٹ بورڈ نے بغیر بتائے وزیراعظم سے ملاقات کیلئے رابطہ کرنے پر مصباح الحق اور ٹیسٹ کپتان اظہر علی سے وضاحت طلب کرلی ہے ۔ذرائع کا کہناہے کہ پاکستان کرکٹ بورڈ نے بتائے بغیر وزیراعظم عمران خان سے ملاقات کیلئے رابطہ کرنے پر قومی ٹیم کے ہیڈ کوچ و چیف سلیکٹر مصباح الحق اور ٹیسٹ کپتان اظہرعلی کوطلب کرلیا ہے جب کہ سنٹرل کنٹریکٹ یافتہ نہ ہونے کی وجہ سے محمد حفیظ وضاحت دینے سے بچ گئے ہیں ۔ذرائع کے مطابق مصباح الحق اور اظہر علی آئندہ ہفتے پیش ہوکر اس حوالے سے وضاحت دیں گے جنہوں نے ڈیپارٹمنٹل کرکٹ ختم کئے جانے پر کرکٹرز کی بے روزگاری کا مسئلہ اٹھانے کیلئے وزیراعظم عمران خان سے ملاقات کی درخواست کی تھی۔
روزنامہ دنیا ایپ انسٹال کریں
