شعیب ملک 11ہزار ٹی20رنز بنانے والے ایشیا کے پہلے بیٹر
پاکستانی کرکٹر شعیب ملک نے ٹی ٹونٹی کرکٹ میں ایک اور سنگ میل عبور کرلیا
لاہور(سپورٹس رپورٹر )وہ مختصر دورانیے کی کرکٹ میں 11 ہزار رنز بنانے والے پہلے ایشین کرکٹر بن گئے ۔شعیب ملک نے یہ سنگ میل نیشنل ٹی ٹونٹی میں سنٹرل پنجاب کی جانب سے کھیلتے ہوئے جنوبی پنجاب کے خلاف میچ کے دوران عبور کیا۔شعیب ملک 11 ہزار ٹی ٹونٹی رنز بنانے والے دنیا کے تیسرے اور پہلے ایشین ہیں جبکہ وہ یہ سنگ میل عبور کرنیوالے پہلے نان کیربیئن پلیئر بھی ہیں۔شعیب ملک سے پہلے یہ کارنامہ انجام دینے والے دونوں کرکٹرز کرس گیل اور کیرون پولارڈ ویسٹ انڈیز سے تعلق رکھتے ہیں ۔
روزنامہ دنیا ایپ انسٹال کریں
