ایشین گیمز ،بارش نے قومی ویمنز کوسیمی فائنل میں پہنچا دیا
اسلام آباد(سپورٹس رپورٹر)ایشین گیمز میں پاکستان کی خواتین کرکٹ ٹیم نے سیمی فائنل کے لیے کوالیفائی کرلیا۔
پاکستان کرکٹ بورڈ سے گزشتہ روز جاری تفصیلات کے مطابق چین کے شہر ہانگزو میں ہونے والے 19ویں ایشین گیمز کے خواتین کرکٹ ایونٹ میں پاکستان اور انڈونیشیا کی خواتین ٹیموں کے درمیان کوارٹرفائنل بارش کی وجہ سے ممکن نہ ہوسکا، پاکستان کی خواتین کرکٹ ٹیم نے بہتر سیڈنگ کی بنیاد پر سیمی فائنل کے لیے کوالیفائی کرلیا ہے ۔یاد رہے کہ پاکستان ایشین گیمز کے خواتین کرکٹ مقابلوں کا دفاعی چیمپئن ہے ۔ اس نے 2010اور 2014کے ایشین گیمز ویمنز کرکٹ ایونٹ میں گولڈ میڈل جیتا تھا۔انڈیا نے بھی سیمی فائنل میں جگہ بنالی ہے جبکہ دو کوارٹرفائنلز آج روز کھیلے جائیں گے ۔ سری لنکا کا مقابلہ تھائی لینڈ سے ہوگا جبکہ بنگلہ دیش کی ٹیم ہانگ کانگ سے مقابلہ کرے گی۔
روزنامہ دنیا ایپ انسٹال کریں
