بابر اعظم کو اعتماد دینے کی ضرورت ہے ،شعیب ملک
کراچی(اسپورٹس ڈیسک)سابق کپتان شعیب ملک ٹیم کے حق میں بول پڑے ۔سندھ پریمیئر لیگ کی ڈرافٹنگ تقریب میں میڈیا سے گفتگو کرتے ہوئے شعیب ملک نے کہا کہ ورلڈ کپ کے دو وارم اَپ میچز میں ہمارے خلاف اگر 700 رنز بنے ہیں۔۔
تو دیگر کیخلاف بھی اتنے ہی رنز سکور ہوئے ہیں۔ انہوں نے کہا کہ پاکستان کی بدقسمتی ہے کہ نسیم شاہ موجود نہیں کیونکہ نسیم شاہ، حارث رؤف اور شاہین آفریدی کا کمبی نیشن بن چکا تھا۔ مینجمنٹ کو چاہئے تھا کہ وہ دیگر بالرز کو بھی ایڈجسٹ ہونے کا موقع دیتی۔شعیب ملک نے کہا کہ ہم سب کی پاکستان ٹیم سے امیدیں جڑی ہوئی ہیں۔ کپتان بابر اعظم کو اعتماد دینے کی ضرورت ہے ۔ سابق کپتان نے کہا پوری قوم دعا گو ہے کہ عالمی کپ میں پاکستان اچھی کارکردگی دکھائے ۔ سعود شکیل کو وارم اپ میچ میں بالکل درست موقع دیا گیا، وہ ایک مرکزی بیٹر کے طور پر بہترین آپشن ہیں۔انہوں نے مزید کہا کہ کسی بھی کھلاڑی کو یہ علم نہیں ہوتا کہ سٹیڈیم میں تماشائیوں کی تعداد کتنی ہے ، لیکن اہم مقابلوں میں ہر کھلاڑی پر دباؤ ہوتا ہے ۔ ایسے حالات میں خود کو نارمل رکھنے کی ضرورت ہوتی ہے ۔
