قومی ٹی 20سکواڈ کے 6کھلاڑی کل سے کراچی میں ٹریننگ کرینگے
کراچی(سپورٹس ڈیسک )آسٹریلیا کے خلاف ٹی ٹونٹی سیریز کے لیے پاکستان سکواڈ میں شامل 6 کرکٹرز کل سے 6 نومبر تک نیشنل بینک سٹیڈیم کراچی میں ٹریننگ کرینگے ۔
تربیتی کیمپ میں جہانداد خان، محمد عباس آفریدی، عمیر بن یوسف، صاحبزادہ فرحان، سفیان مقیم اور عثمان خان شرکت کریں گے ، کیمپ کے لیے مذکورہ کھلاڑی آج شام جمع ہونگے ۔ کوچ سعید بن ناصر کی زیر نگرانی پانچ روزہ کیمپ میں کھلاڑی مختلف تربیتی سیشنز میں حصہ لیں گے ، کیمپ میں عبدالسعد معاون کوچ، امتیاز خان فزیو اور تیمور محمود ٹرینر کی ذمہ داری ادا کریں گے ، کیمپ کے اختتام پر کھلاڑی 10 نومبر کو آسٹریلیا روانہ ہونے سے قبل اپنے شہروں کو چلے جائیں گے ۔
روزنامہ دنیا ایپ انسٹال کریں
