انٹرنیشنل فٹبالر کار حادثے میں زخمی ہونے کے ایک ماہ بعد چل بسا
کوئٹو(سپورٹس ڈیسک )جنوبی امریکی ملک ایکواڈور کے انٹرنیشنل فٹبالر مارکو انگولو کار حادثے میں شدید زخمی ہونے کے ایک ماہ بعد چل بسے ۔
برطانوی نشریاتی ادارے بی بی سی کے مطابق 22 سالہ نوجوان فٹبالر مارکو انگولو 7 اکتوبر کو ایکواڈور کے دارالحکومت کوئٹو میں پیش آنے والے کار حادثے میں شدید زخمی ہوئے تھے ۔ حادثے کے بعد مارکو ایک ماہ سے زائد عرصے تک ہسپتال میں زیر علاج رہے اور اب ان کے کلب نے فٹبالر کی موت کا اعلان کیا ہے ۔رپورٹ کے مطابق اس کار حادثے میں مارکو انگولو کے ایک قریبی دوست بھی جاں بحق ہوئے ۔
روزنامہ دنیا ایپ انسٹال کریں
