ویمن ون ڈے ٹورنامنٹ:سٹارز اور کانکرز کی فائنل میں رسائی
اسلام آباد(سپورٹس رپورٹر) نیشنل ویمن ون ڈے ٹورنامنٹ میں سٹارز اور کانکرز نے فائنل کیلئے کوالیفائی کر لیا۔اسلام آباد کے ڈائمنڈ کرکٹ گرائونڈ میں کھیلے گئے ۔۔
میچ میں کانکرز نے سٹرائیکر ز کو 6 وکٹوں سے شکست دی، کانکرز نے ٹاس جیت کر سٹرائیکر ز کی ٹیم کو پہلے بیٹنگ کی دعوت دی اورسٹرائیکر کی ٹیم 41.3 اوورز150 رنز بنا کر پویلین لوٹ گئی۔ علینہ مسعود 64 رنز بنا کر نمایاں رہیں۔کانکر ز کی جانب سے حفصہ خالد نے 4 وکٹیں حاصل کیں۔کانکرز کی ٹیم نے مطلوبہ ہدف 30.4 اوورز میں4 وکٹوں کے نقصان پر حاصل کر لیا۔ فاطمہ ثنا نے 56 رنز کی ناقابل شکست اننگز کھیلی اور پلیئر آف دی میچ قرارپائیں ،راولپنڈی کے شعیب اختر سٹیڈیم میں کھیلے گئے میچ میں سٹارز نے انوینسبلز کو 82 رنز سے شکست دی ، انوینسبلز کی ٹیم نے ٹاس جیت کر سٹارز کو پہلے کھیلنے کی دعوت دی۔سٹارز کی ٹیم نے مقررہ اوورز میں7 وکٹوں پر 223 رنز بنائے ۔طوبیٰ حسن61 رنز بنا کر نمایاں رہیں۔انوینسبلز کی تانیہ سعید نے 3وکٹیں حاصل کیں۔انوینسبلز کی ٹیم مطلوبہ ہدف حاصل کرنے میں ناکام رہی اور 40.2 اوورز میں 141 رنز بناکر پویلین لوٹ گئی ۔سٹارز کی نیلم مشتاق نے 5وکٹیں حاصل کیں۔ طوبیٰ حسن اور نیلم مشتاق کو بہترین کارکردگی پر مشترکہ طور پر پلیئر آف دی میچ کا ایوارڈ دیا گیا۔
