ویسٹ انڈیز کا ٹیسٹ سکواڈسیریز کیلئے پاکستان پہنچ گیا
اسلام آباد(سپورٹس رپورٹر )ویسٹ انڈیز کا ٹیسٹ سکواڈ پاکستان پہنچ گیا، ٹیم کو سخت سکیورٹی میں مقامی ہوٹل پہنچایا گیا۔
ویسٹ انڈیز کرکٹ ٹیم نجی ایئر لائن کے ذریعے دبئی سے اسلام آباد پہنچی ،ویسٹ انڈیز کا ٹیسٹ سکواڈ 2 ٹیسٹ میچز پر مشتمل سیریز کھیلے گا، پہلا ٹیسٹ 17 جنوری اور دوسرا ٹیسٹ 25 جنوری سے شروع ہو گا۔پاکستان اور ویسٹ انڈیز کے درمیان دونوں ٹیسٹ میچز ملتان کرکٹ سٹیڈیم میں کھیلے جائیں گے ۔پاکستان شاہینز اور ویسٹ انڈیز کے درمیان 10جنوری سے 3 روزہ وارم اپ میچ اسلام آباد کلب میں کھیلا جائے گا۔
روزنامہ دنیا ایپ انسٹال کریں
