نسیم شاہ کا بھارتی ہمشکل انٹرنیٹ صارفین کی توجہ کا مرکز
لاہور(سپورٹس ڈیسک )قومی ٹیم فاسٹ بولر نسیم شاہکے بھارتی ہم شکل نے سوشل میڈیا صارفین کی توجہ حاصل کر لی۔
انسٹاگرام پر ایک ویڈیو تیزی سے وائرل ہورہی ہے جس میں پاکستانی ٹیم کے فاسٹ بولر نسیم شاہ کے ہمشکل کو دیکھا جاسکتا ہے ۔ وائرل ہونے والی اس ویڈیو میں نسیم شاہ کے ہمشکل شخص نے اظہار ناراضی کرتے ہوئے کہا کہ انڈیا گاٹ لیٹنٹ جیسے موضوعات پر غیر ضروری توجہ دی جا رہی ہے ، جبکہ اصل مسائل جیسے مہنگائی، آلودگی اور بے روزگاری پسِ پشت ڈال دیئے گئے ہیں۔ان کے سنجیدہ موقف کے باوجود سوشل میڈیا صارفین کی توجہ صرف ایک چیز پر مرکوز رہی اور وہ ان کی نسیم شاہ سے مشابہت۔ایک صارف نے تبصرہ کیا کہ یہ بالکل نسیم شاہ کا بھائی لگ رہا ہے ۔ دوسرے نے حیرت سے لکھا کہ کیا یہ نسیم شاہ ہی ہیں یا کوئی اور؟، کچھ کرکٹ مداح تو کنفیوژ بھی ہوگئے اور سمجھے کہ یہ اصل میں نسیم شاہ ہی ہیں۔ایک صارف نے مشورہ دیا کہ نسیم شاہ، بھائی انڈین ایشوز چھوڑو، چیمپئنز ٹرافی پر دھیان دو۔دوسرے نے ہنستے ہوئے لکھا کہ نسیم شاہ، بولنگ پر دھیان دو بھائی۔"نسیم شاہ کے بچھڑے بھائی" کا نیا لقب۔
