3 ٹی20 میچز : پاک ، بنگلہ دیش بورڈز میں مذاکرات کامیاب
اسلام آباد(سپورٹس رپورٹر)بنگلادیشی ٹیم 3 ٹی20 انٹرنیشنل میچز کھیلنے کیلئے پاکستان آئے گی۔پاکستان کرکٹ بورڈ کی جانب سے جاری کردہ اعلامیے میں تصدیق کی گئی ہے ۔۔
کہ دونوں بورڈز کے سربراہان کے درمیان دبئی میں مذاکرات کامیاب ہوگئے ہیں، جس کے بعد بنگلادیشی ٹیم دورہ پاکستان کیلئے آئے گی۔مختصر دورے کے دوران 3 ٹی20 انٹرنیشنل میچز کھیلے جائیں گے ۔پاکستان اور بنگلادیش کے درمیان 3 ٹی20 انٹرنیشنل میچز 27، 29 اور 31 مئی کو لاہور میں کھیلے جانے کی توقع ہے ۔چیئرمین پی سی بی محسن نقوی اور بنگلادیش کرکٹ بورڈ کے چیئرمین ناز ملعابدین اور صدر فاروق احمد کے درمیان طویل ملاقات کے بعد فیصلہ ہوا۔پاکستان اور بنگادیش کے درمیان سیریز کے تینوں ٹی20 میچز لاہور کے قذافی سٹیڈیم میں کھیلے جائیں گے ۔چیئرمین پی سی بی محسن نقوی نے دورہ پاکستان فائنل کرنے پر بنگلا دیش کرکٹ بورڈ کے چیئرمین و صدر سے اظہار تشکر کیا۔ ذرائع کے مطابق بھارتی پروپیگنڈے کے باعث بنگلا دیش ٹیم کے کھلاڑیوں نے پہلے پاکستان نہ جانے کا فیصلہ کرلیا تھا جس کے بعد محسن نقوی خصوصی طور پر ایک روزہ دورے پر دبئی پہنچے ۔ محسن نقوی نے بنگلا دیش کرکٹ بورڈ کے اعلیٰ عہدیداران سے ملاقاتیں کیں اورکئی گھنٹے طویل مذاکرات کے بعد چیئرمین پی سی بی نے بنگلا دیش کرکٹ بورڈ کو پاکستان آنے پر قائل کیا۔
