پاک بنگلہ دیش ٹی 20 سیریز کے میڈیا رائٹس فروخت
لاہور(سپورٹس ڈیسک )پاکستان اور بنگلہ دیش کے درمیان ہونیوالی ٹی 20 سیریز کے ورلڈ وائیڈ میڈیا میڈیا رائٹس فروخت ہو گئے ۔
بنگلا دیشی میڈیا کے مطابق بنگلہ دیش کرکٹ بورڈ کے لیے سکھ کا سانس ہے کہ پاکستان اور بنگلہ دیش کے درمیان ہونے والی تین میچز کی ٹی 20سیریز کے میڈیا راٹنس فروخت ہو گئے ۔رپورٹس کے مطابق میڈیا رائٹس اوپن بڈنگ میں فروخت ہونا تھے لیکن کوئی کمپنی فلور پرائس تک نہ پہنچ سکی، اطلاعات کے مطابق 4 کروڑ ٹکا فلور پرائس رکھی گئی تھی لیکن نصف تک کی بھی پیشکش نہ ہوئی۔اس حوالے سے بورڈ آفیشل کا کہنا ہے کہ پیشکشیں احمقانہ تھیں کچھ کمپنیز سے براہ راست رابطہ کیا گیا، بورڈ کو ٹارگٹ کے مطابق رقم موصول ہو گئی ہے ،بی سی بی بنگلہ دیش نیوزی لینڈ ٹیسٹ سیریز کے رائٹس بھی فروخت نہیں کر سکا تھا۔یاد رہے کہ پاک بنگلہ دیش میچز 20، 22 اور 24 جولائی کو کھیلے جائیں گے ۔
