ایشین انڈر 16والی بال چیمپئن شپ:پاکستان کی دوسری کامیابی
لاہور(سپورٹس ڈیسک )ایشین انڈر 16 والی بال چیمپئن شپ میں پاکستان نے مسلسل دوسری کامیابی حاصل کرلی۔
گروپ ڈی کے دوسرے میچ میں پاکستان نے سعودی عرب کو تین ۔ صفر سے شکست دی۔پاکستان کی کامیابی کا سکور پچیس ۔ چودہ، پچیس ۔ تیرہ اور پچیس ۔ بارہ رہا۔ پاکستان کی جانب سے جنید، وہاب، سعید مختار اور فیضان نے نمایاں کھیل پیش کیا۔گروپ کے مسلسل 2 میچز جیتنے کے بعد پاکستان نے ایونٹ کے اگلے راؤنڈ میں جگہ بنا لی ہے ۔پاکستان گروپ کا آخری میچ آج چائنیز تائپے کے خلاف کھیلے گا۔
روزنامہ دنیا ایپ انسٹال کریں
