15رکنی قومی ٹیم کی ٹی 20سیریزکیلئے بنگلہ دیش روانگی
لاہور(سپورٹس ڈیسک ) 15رکنی قومی کرکٹ ٹیم سلمان علی آغا کی قیادت میں ٹی 20 سیریز کیلئے رات گئے بنگلہ دیش روانہ ہوگئی۔۔۔
پاکستانی سکواڈ میں سلمان علی آغا ( کپتان)،ابرار احمد، احمد دانیال، فہیم اشرف، فخر زمان، حسن نواز،حسین طلعت، خوشدل شاہ، محمد عباس آفریدی، محمد حارث (وکٹ کیپر)، محمد نواز ،صاحبزادہ فرحان (وکٹ کیپر)، صائم ایوب، سلمان مرزا اور سفیان مقیم شامل ہیں، ہیڈ کوچ مائیک ہیسن ہیڈ کوچ،شین میکر موٹ فیلڈنگ اورگرانٹ لوڈین اسٹرینتھ اینڈ کنڈیشنگ کوچ اور سید چیمہ منیجر کی ذمہ داری ادا کرینگے ،دورہ بنگلہ دیش میں تین ٹی 20میچز 20، 22 اور 24 جولائی کو کھیلے جائیں گے ، جس کے بعد پاکستانی ٹیم ویسٹ انڈیز سے 3 میچز پر مشتمل ٹی 20 اور دن ڈے سیریز کھیلنے کیلئے امریکا پہنچے گی۔فلوریڈا میں یکم تا 4 اگست دونوں ٹیمیں کے درمیان میچز کھیلے جائیں گے جبکہ دونوں ممالک کے درمیان ون ڈے سیریز 8 سے 12 اگست تک ٹرینیڈاڈ اینڈ ٹوباگو میں شیڈول ہے ۔
