قومی ہاکی ٹیم کی آسٹریلیا روانگی ملتوی، ویزے جاری نہ ہوئے
لاہور(سپورٹس ڈیسک)پاکستان ہاکی ٹیم کی آج آسٹریلیا روانگی ملتوی کردی گئی ہے ،پرو ہاکی لیگ کے لیے ٹیم کی روانگی گزشتہ روز لاہور سے شیدول تھی۔ذرائع کے مطابق قومی کھلاڑیوں کو تاحال آسٹریلوی ویزے جاری نہ ہوسکے۔
پاکستان ہاکی ٹیم کی اب پانچ فروری کی فلائٹ بکنگ کرائی گئی ہے ۔ذرائع کے مطابق ٹیم روانگی کا پلان تبدیل ہونے کے بعد لاہور آنے والے کھلاڑیوں کو راستے میں اطلاع دی گئی۔ پی ایچ ایف حکام نے فلائٹ میں تبدیلی کی تصدیق کرتے ہوئے واضح کیاہے کہ ایک دو دن میں ویزے مل جائیں گے ، کھلاڑیوں کو گھروں پررہنے اور ٹریننگ کرنے کا شیڈول دے دیاگیاہے ۔پروہاکی لیگ میں پاکستان کا سامنا آسٹریلیا اور جرمنی سے ہوبارٹ میں ہونا ہے ، یہ میچز دس فروری سے چودہ فروری تک طے ہیں۔
روزنامہ دنیا ایپ انسٹال کریں
