گیراج سے ملنے والی چائے کی کیتلی نے زندگی بدل ڈالی
برطانیہ میں لاک ڈاؤن کے دوران ایک آدمی کو گھر کے گیراج کی صفائی کے دوران ایسی چیز مل گئی کہ جس سے اس کی زندگی ہی بدل گئی
لندن(نیٹ نیوز) 51سالہ آدمی کو گیراج میں پڑے کاٹھ کباڑ سے چائے کی کیتلی ملی جو تاریخی طور پر اہمیت کی حامل تھی اور اس کی مالیت 1لاکھ پاؤنڈ تھی۔رپورٹ کے مطابق یہ چائے کی کیتلی چین کے ایک قدیم بادشاہ شیان لونگ کی تھی جب یہ کیتلی اس آدمی کو ملی تو وہ اسے ایک نیلام گھر کے ماہر کے پاس لے گیا جس نے اسے اس کیتلی کی اصلیت بتائی تو اس کی خوشی کا ٹھکانہ نہ رہا۔اس آدمی کا کہنا ہے کہ یہ کیتلی ہمارے خاندان میں نسلوں سے چلی آ رہی ہے ۔میرا خیال ہے کہ یہ کیتلی میرا دادا چین سے لایا تھا وہ فوج میں تھا اور دوسری جنگ عظیم کے دوران وہ چین میں رہا تھا، واضح رہے کہ یہ کیتلی ہینسن آکشنیر ز پر نیلام کی جارہی ہے اور اس کی بولی 24ستمبر کو ہوگی۔
روزنامہ دنیا ایپ انسٹال کریں
