لوگوں کی جان بچانے کیلئے 10 سالہ لڑکے کا انوکھا اقدام
برطانیہ میں 10 سالہ لڑکے نے لوگوں کی جان بچانے کے لیے انوکھا طریقہ اپنا کر ہزاروں پاؤنڈ چیرٹی جمع کر لی
لندن(نیٹ نیوز)میکس نامی لڑکے نے ٹینٹ میں 200 دن گزارے اور غریبوں کی جان بچانے کیلئے چندہ جمع کیا۔میکس کے دوست رکِ نے مرنے سے قبل ایک ٹینٹ فراہم کیا اور آئیڈیا دیا کہ اس خیمہ کے ذریعے وہ ضروت مندوں کے لیے امداد جمع کر سکتا ہے ۔دوستوں میں عمر کا فرق 64 برس کا تھا، چند روز بعد رکِ زندگی کی بازی ہار گیا لیکن میکس فنڈ ریزنگ میں مصروف رہا۔دو سو دن ٹینٹ میں گزارنے کے دوران میکس نے 75 ہزار پاؤنڈ جمع کر لیے اور ساری امدادی رقم اس طبی مرکز کے سپرد کر دی جہاں اس کے دوست نے زندگی کے آخری ایام گزارے تھے ۔
روزنامہ دنیا ایپ انسٹال کریں
