ملازمہ نے چوری کا زیور پہن کر تصویر واٹس ایپ پر لگا دی
بھارتی ریاست آندرا پردیش کے ضلع گنٹور کے ایک علاقے میں مسروقہ زیورات پہن کر واٹس اپ سٹیٹس پر تصویر لگانے والی گھریلو ملازمہ گرفتار کر لی گئی
آندرا پردیش(نیٹ نیوز)پولیس کے مطابق امود نامی شخص کے فلیٹ میں چوری کی واردات ہوئی تھی، جس میں 4 طلائی چوڑیاں، ایک نیکلس، کان کی 2 بالیاں، بے بی چین اور دیگر قیمتی چیزیں اڑائی گئی تھیں۔پولیس نے مالک مکان کی شکایت پر چوری کا مقدمہ درج کر کے تفتیش شروع کی، تاہم امود کی بیوی نے ملزمہ سنیتا کو مسروقہ ساڑی اور زیورات پہن کر شوہر کے ساتھ لی گئی تصویر کو واٹس اپ سٹیٹس میں لگا ہوا دیکھا تو حیران رہ گئی۔امود کی بیوی نے فوری طور پر اس کی اطلاع اپنے شوہر کو دی، جنھوں نے پولیس کو خبردار کر دیا، پولیس نے بعد ازاں علاقے کے ایک بس سٹینڈ کے قریب سے سنیتا کو حراست میں لے لیا۔
روزنامہ دنیا ایپ انسٹال کریں
