ویکسین نہ لگوانے والوں کو ڈرانے کیلئے انسانی ڈھانچہ نصب
شمالی کیرولینا کے امریکی باشندے جیسی جونز نے اپنے گھر کے باہر ایک بڑا انسانی ڈھانچہ نصب کیا ہے جسے کووڈ 19 کے باوجود ویکسین نہ لگوانے والوں کیلئے ایک ‘سخت پیغام’ کہا جاسکتا ہے
نارتھ کیرولینا(نیٹ نیوز)اس پر لکھا ہے ‘ ویکسین نہیں لگوائی، تم سے جلد ہی ملوں گا احمقو!’۔ اسے جیسی جونز نے اپنے گھر کی سجاوٹ کے طور پر استعمال کیاہے ۔ ساتھ ہی اس نے ڈھانچے کی اطراف قبر کے کتبے بھی لگائے ہیں۔ایک قبر کے کتبے پر ‘یو وَیک’ یعنی ویکسین نہیں لگوائی تھی لکھا گیا ہے ۔ بقیہ کتبوں پر ‘یہ افواہ نہیں’، ‘یوٹیوب میرا ڈاکٹر’، اور میں نے ٹرمپ کی بات سنی تھی وغیرہ جیسے جملے کندہ کئے گئے ہیں۔جیسی جونز ایک وکیل ہیں اور وہ لوگوں کی کووڈ 19 کے متعلق پھیلائی جانے والی افواہوں سے پریشان رہے ہیں۔ یہی وجہ ہے کہ وہ ویکسین لگوانے کے اپنے پیغام کو بھرپور انداز میں لوگوں تک پہنچانا چاہتے تھے ۔
