ناسا کے خلا باز واپسی کے سفر کیلئے ڈائپر پہننے پر مجبور
بین الاقوامی خلائی سٹیشن سے واپس آنے والے خلابازوں نے ڈائپرز پہن لیے
لاس اینجلس(نیٹ نیوز) خلائی سٹیشن سے زمین پر واپسی کا سفر کرنے والی ناسا کی خلا نورد میگن میک آرتھر نے مدار سے نیوز کانفرنس کرتے ہوئے بتایا کہ اس خلائی پرواز میں ہمیں بہت سے چیلنجز کا سامنا تھا تاہم ہم نے ان کا مقابلہ کرتے ہوئے اپنے مشن کو مکمل کیا۔ انہوں نے بتایا کہ ہمیں سب سے بڑا مسئلہ بیت الخلا کا درپیش رہا کیوں کہ ان کے کیپسول کا بیت الخلا ٹوٹ گیا۔فرانسیسی خلانورد تھوماس پیکیوئٹ کا اس بارے میں کہنا ہے کہ خلائی کیپسول کے بیت الخلا میں خرابی کا انکشاف اس وقت ہوا جب اتوار کو واپسی کیلئے تیار خلانوردوں نے آن بورڈ کیپسول کے فرشی پینلز کو ہٹایا۔ اس خرابی کی بنا پر خلا باز 20 گھنٹے طویل واپسی کے سفر میں ٹوٹے ہوئے بیت الخلا کو استعمال کرنے کے بجائے مائع جذب کرنے کی صلاحیت رکھنے والے زیر جامے پہنیں گے ۔
