پتھر کے گھر میں رہنے والا 100سالہ سعودی کنوارا
ریاض(نیٹ نیوز)سعودی عرب کی ھروب کمشنری میں پتھروں سے بنے پرانے طرز کے گھر میں رہنے والے 100 سالہ سعودی شہری جابر الم جھلی کی۔۔
ویڈیو سوشل میڈیا پر وائرل ہے ۔ المرصد ویب سائٹ کے مطابق جابر الم جھلی نے اب تک شادی نہیں کی۔ ان کا کوئی خاندان نہیں۔ وہ تنہا ھروب کمشنری کے نعام پہاڑ میں پرانے طرز کے پتھروں سے بنے مکان میں تنہا زندگی گزار رہے ہیں۔ وائرل ویڈیو میں جابر الم جھلی کو یہ کہتے ہوئے سنا جا سکتا ہے کہ وہ پتھروں کے پرانے مکان میں بانی مملکت شاہ عبدالعزیز کے زمانے سے رہ رہے ہیں۔ شاہ سعود، شاہ فیصل، شاہ خالد، شاہ فہد، شاہ عبداللہ اور اب شاہ سلمان کے دور میں بھی ان کا مسکن پتھروں کا پرانا مکان ہی ہے ۔ انہوں نے بتایا کہ ‘اب سے 86 برس قبل جازان کے کوہستانی علاقوں میں آنے والے زلزلے کی یاد ذہن میں اب تک محفوظ ہے ۔ اس وقت ان کی عمر 15 برس تھی۔
روزنامہ دنیا ایپ انسٹال کریں
