کم وقت میں کاغذی جہاز تیار کرکے اڑانے کا عالمی ریکارڈ

کم وقت میں کاغذی جہاز تیار کرکے اڑانے کا عالمی ریکارڈ

آئیڈاہو(نیٹ نیوز)امریکی ریاست آئیڈاہو کے ایک شخص نے کم وقت میں کاغذی ہوائی جہاز کو تہہ کرکے ہوا میں پھینکنے کا عالمی ریکارڈ قائم کیا ہے۔

ڈیوِڈ رش نے 6.15 سیکنڈ کی قلیل ترین مدت میں یہ کارنامہ انجام دیا۔ ریکارڈ کیپنگ آرگنائزیشن گنیز ورلڈ نے ٹائٹل ہولڈرز کو 7 سیکنڈ کے پچھلے ریکارڈ کو توڑنے کا ایک چیلنج جاری کیا تھا۔چیلنج کو مدنظر رکھتے ہوئے ڈیوڈ رش نے ، جو 250 سے زیادہ گنیز ورلڈ ریکارڈز کے حامل ہیں، نے چیلنج کو پورا کرنے میں کامیابی حاصل کی۔رش کا اس موقع پر کہنا تھا کہ انہوں نے آن کیمرہ کوشش کرنے سے پہلے دو دن تک مشق کی، لیکن اپنی ویڈیو اپ لوڈ کرنے کے بعد انہیں پتہ چلا کہ ایک اور شخص نے انہیں شکست دے دی۔تاہم انہوں نے اسی شام کو دوبارہ چیلنج کیا اور اپنا وقت 6.15 سیکنڈ تک کم کرنے میں کامیاب ہوئے جو بالآخرگنیز ورلڈ ریکارڈ ٹائٹل حاصل کرنے کے لیے کافی تھا۔

Advertisement
روزنامہ دنیا ایپ انسٹال کریں