شیر کا سامنا ہونے کے باجود خوش قسمت شخص بچ نکلا
ممبئی(نیٹ نیوز)جم کاربیٹ نیشنل پارک میں ایک حیرت انگریز واقعہ پیش آیا جس میں شیر کا سامنا ہونے کے باجود خوش قسمت آدمی بچ نکلا۔
واقعہ بھارت میں واقع جم کاربیٹ نیشنل پارک میں پیش آیا جس کا رقبہ 1288 اسکوائر کلو میٹر پر محیط ہے ۔آئی ایف ایس آفیسر پروین کمار کی جانب سے سوشل میڈیا پلیٹ فارم ایکس پر مذکورہ ویڈیو شیئر کی گئی ہے جو کہ دیکھتے ہی دیکھتے وائرل ہوگئی۔انھوں نے کیپشن میں لکھا کہ ‘کیا یہ زندہ بچ جانے والا خوش قسمت ترین آدمی ہے ، شیر نے اس کی طرف توجہ دینا مناسب نہیں سمجھا۔ویڈیو میں دیکھا جاسکتا ہے کہ نیشنل پارک میں ایک شخص سڑک سے گزر رہا ہے ۔اچانک جھاڑیوں کے پیچھے سے شیر نکلتا ہے ، مگر شیر اس آدمی کی موجودگی خاطر میں لائے بغیر سڑک کو کراس کرکے دوسری طرف نکل جاتا ہے ۔
روزنامہ دنیا ایپ انسٹال کریں
