سب سے زیادہ ٹیکوز تیار کرنے کا عالمی ریکارڈ قائم
![سب سے زیادہ ٹیکوز تیار کرنے کا عالمی ریکارڈ قائم](https://dunya.com.pk/news/2024/August/08-15-24/news_big_images/2392841_50275544.jpg)
واشنگٹن(نیٹ نیوز)میکسیکو کی ریاست ٹلاکسکالا (Tlaxcala) نے 186 مختلف ذائقوں میں 30,000 سے زیادہ ٹیکوز (کھانے کی ڈش) پیش کرکے گنیز ورلڈ ریکارڈ کا اعزاز حاصل کرلیا۔
ریاست نے میکسیکو سٹی کے پاسیو ڈی لا ریفارما میں ہونے والے ایک پروگرام کے دوران ٹاکوز کو تیار کرنے اور پیش کرنے کے لیے ناٹیویٹاس شہر سے 150 سے زیادہ ٹیکوز بنانے والے شیفوں کو جمع کیا۔ٹلاکسکالا کی گورنر لورینا کوئیلر نے سوشل میڈیا پر اعلان کیا کہ اس تقریب نے ایک جگہ پر سب سے زیادہ ٹیکوز پیش کیے جانے کا ایک نیا گنیز ورلڈ ریکارڈ قائم کیا۔ٹیکوز میں آلو، گوشت، پھلیاں اور مختلف اقسام کی ساسیج سمیت دیگر اجزا شامل تھے ۔ریاستی حکومت نے فیس بک پر لکھا کہ یہ پہچان Tlaxcala کو بین الاقوامی سطح پر سیاحتی اور ثقافتی مقام کے طور پر لے جانے کی اہل ہے۔