کھو جانیوالی بچی نے حاضر دماغی سے اپنے دادا کو ڈھونڈ نکالا
![کھو جانیوالی بچی نے حاضر دماغی سے اپنے دادا کو ڈھونڈ نکالا](https://dunya.com.pk/news/2024/August/08-21-24/news_big_images/2395749_96658172.jpg)
ژی جیانگ(نیٹ نیوز) چین میں کھو جانے والی ذہین بچی سوشل میڈیا یا لوگوں سے پتہ پوچھے بغیر والدین کو ڈھونڈنے میں کامیاب ہوگئی ۔
جنوب مشرقی صوبہ ژی جیانگ سے تعلق رکھنے والی 8 سالہ بچی اپنی ڈانسنگ کلاس سے گھر جاتے ہوئے اپنے دادا سے بچھڑ گئی تھی جس کے بعد بچی کا گھر والوں سے رابطہ نہ ہوسکا اور وہ پریشان ہوگئی۔تاہم بچی نے قریب ہی ایک اے ٹی ایم بوتھ کو دیکھا اور مشین کے پاس موجود سرخ ایمرجنسی بٹن کو دبایا جس نے اسے بینک کے مانیٹرنگ سینٹر سے جوڑ دیا۔کوژھو رورل کمرشل بینک کے عملے کے رکن ژھو ڈانگینگ نے انٹرکام سسٹم کے ذریعے لڑکی کی کال کا جواب دیا اور اسے اے ٹی ایم پر موجود رہنے کا کہا۔کچھ دیر بعد پولیس اے ٹی ایم پر پہنچی اور بچی کے دادا کو ڈھونڈنے میں کامیاب ہوگئی جو قریب ہی اسے تلاش کررہے تھے ۔