ڈپریشن کے شکار نوجوانوں میں ویپنگ کا خطرہ دُگنا
![ڈپریشن کے شکار نوجوانوں میں ویپنگ کا خطرہ دُگنا](https://dunya.com.pk/news/2024/September/09-05-24/news_big_images/2402270_80818984.jpg)
سڈنی(نیٹ نیوز)آسٹریلوی نوجوانوں پر کیے گئے ایک سروے سے پتا چلا ہے کہ جو لوگ ڈپریشن کی علامات ظاہر کرتے ہیں ان میں ویپنگ استعمال کرنے کا خطرہ دُگنا ہوتا ہے۔
مطالعے کی شریک مصنف ایملی اسٹاکنگز نے کہا کہ اگرچہ مختصر وقت کیلئے نیکوٹین اضطراب اور تناؤ کے احساسات کو کم کر سکتی ہے لیکن نوجوان لوگ ذہنی تناؤ کا مقابلہ کرنے کے لیے ویپس کو ہی کامل ذریعہ سمجھ سکتے ہیں۔انہوں نے مزید کہا کہ اس سے قطع نظر کہ تمباکو نوشی ذہنی صحت پر اثر انداز ہوتی ہے ، یہ واضح ہے کہ اگر ہم ویپس کے استعمال کو روکنا چاہتے ہیں، تو ہمیں اسی وقت نوجوانوں کی دماغی صحت پر توجہ دینے کی ضرورت ہے ۔ایملی اور ان کی ٹیم نے اپنے مطالعے کے نتائج کو آسٹریلیا اور نیوزی لینڈ کے جرنل آف سائیکیٹری میں شائع کیا۔