اُچھلنے والے جھینگوں پر مبنی تھائی لینڈ کی معروف ڈِش
![اُچھلنے والے جھینگوں پر مبنی تھائی لینڈ کی معروف ڈِش](https://dunya.com.pk/news/2024/September/09-05-24/news_big_images/2402275_70824405.jpg)
بنکاک(نیٹ نیوز)ڈانسنگ شرمپ ایک مشہور تھائی اسٹریٹ فوڈ ہے جو زندہ میٹھے پانی کے جھینگوں پر مشتمل ہوتی ہے جو کھانے کے دوران وہ مسلسل چھلانگیں لگاتے رہتے ہیں۔
چھوٹے جھینگے جو برتن سے زندہ باہر نکلنے کی کوشش کررہے ہوں زیادہ لذیذ کھانے کی طرح نہیں لگتا لیکن شمالی تھائی لینڈ میں یہ پسندیدہ کھانوں میں سے ایک سمجھا جاتا ہے ۔عام طور پر گون ٹین نامی یہ ڈش زندہ میٹھے پانی کے جھینگے پر مشتمل ہے جو پسی مرچ، لیموں کا رس، مچھلی کی چٹنی، پودینہ، کٹے ہوئے سلوٹس اور لیمن گراس کے مصالحہ دار امتزاج میں بنایا جاتا ہے ۔یہ اکثر مختلف قسم کے چپچپے چاولوں کے ساتھ پیش کیا جاتا ہے اور تازہ ترین کھانے کی چیزوں میں سے ایک کے طور پر بیان کیا جاتا ہے ۔زندہ تر ناقدین اچھلنے والے جھینگوں کے ساتھ ساتھ مصالحوں کے چھینٹوں کی وجہ سے اسے نہیں کھاتے جبکہ کچھ اسے وحشیانہ غذا قرار دیتے ہیں۔