لاٹری کا مذاق کرنے والا شخص لاکھوں کا انعام جیت گیا
واشنگٹن(نیٹ نیوز)امریکا میں لاٹری کے متعلق مذاق کرنے والے شخص نے 10 لاکھ ڈالر کی لاٹری جیت لی۔
غیر ملکی خبر رساں ادارے کے مطابق امریکی ریاست ورجینیا سے تعلق رکھنے والے جارج ہرٹ نے لاٹری آفیشلز کو بتایا کہ وہ اور ان کے دو ساتھی کھانے کے وقفے کے دوران مارکیٹ گئے اور انہوں نے ساتھیوں سے مذاقاً کہا کہ وہ لاٹری جیتنے والے ہیں۔جارج کا مذاق اس وقت سچ ثابت ہوا جب انہوں نے چار اسکریچ آف ٹکٹ خریدے اور ان میں سے ایک میں ان کا 10 لاکھ ڈالر کا ٹاپ انعام نکل آیا۔جارج کا کہنا تھا کہ وہ اس بات کا ثبوت ہیں کہ دعائیں سنی جاتی ہیں اوروہ اس پر بہت خوش بھی ہیں ۔انہوں نے انعامی رقم خرچ کرنے کے متعلق کوئی منصوبہ ظاہر نہیں کیا۔
روزنامہ دنیا ایپ انسٹال کریں
