کم وقت میں چاپ سٹکس سے 28غباروں کو پھاڑنے کا ریکارڈ
نیویارک(نیٹ نیوز)امریکا سے تعلق رکھنے والے سیریل ریکارڈ ساز ڈیوڈ رش نے 30 سیکنڈ میں چاپ سٹکس سے 28 غباروں کو پھاڑ کر نیا ریکارڈ بنا دیا۔
ریاست آئیڈاہو سے تعلق رکھنے والے ڈیوڈ رش (جو بیک وقت سب سے زیادہ گینیز ورلڈ ریکارڈ رکھنے کا ٹائٹل رکھتے ہیں) نے 30 سیکنڈ میں سب سے زیادہ غبارے پھاڑنے کا چیلنج اٹھایا۔ انہیں ریکارڈ بنانے کیلئے 15 کا ہندسہ عبور کرنا تھا۔ڈیوڈ رش اپنی اس کوشش کے متعلق بتایا کہ کچھ چیزیں منصوبے کے مطابق نہیں ہوئیں۔ ایک غبارے کو وقت ختم ہونے کے بعد پھاڑنے پر ناقابلِ قبول قرار دیا گیا جبکہ دو غباروں کو ایک غبارے کے ساتھ پھٹنے کی وجہ سے نہیں گنا گیا۔ لیکن یہ تجربہ ناقابلِ فراموش تھا۔اتنے غباروں کو گنتی میں نہ لائے جانے کے باوجود ڈیوڈ رش نے 28 غبارے پھاڑ کر ریکارڈ اپنے نام کر لیا۔
روزنامہ دنیا ایپ انسٹال کریں
