شارک کی تصویر لینے کیلئے خاتون دونوں ہاتھ گنوا بیٹھیں
مونٹریال(نیٹ نیوز)اگرچہ کچھ چیزیں دوسروں کو خوف میں مبتلا کرکے بھاگنے پر مجبور کردیتی ہیں۔
لیکن کچھ لوگوں ایسے موقع پر تصویر کھینچنا پسند کرتے ہیں اور نقصان اٹھاتے ہیں۔ایسا ہی کچھ کینیڈین شہری خاتون کے ساتھ ہوا جب پانی میں شارک کو دیکھ کر بھاگنے کے بجائے ، وہ اس کی تصویر لینے لگیں اور اسی دوران شارک نے ان کے ہاتھوں کو کاٹ ڈالا اور الگ کردیا۔نتھالی راس نامی خاتون ٹرکس کے تھامپسن کوو بیچ کے اتھلے پانی میں تھیں جب یہ حملہ ہوا۔نتھالی شارک کے حملے میں اپنے دونوں ہاتھ کھو بیٹھیں جبکہ شارک نے ان کی ران میں بھی کاٹا،خاتون کو ہوائی جہاز سے فوری ہسپتال لے جایا گیا اور امید کی جارہی ہے کہ وہ زندہ بچ جائیں گی۔واقعے کے بعد سرکاری اہلکاروں نے ساحل سمندر کو اس وقت تک بند کر دیا جب تک اس بات کی تصدیق نہ ہو جائے کہ شارک گہرے پانی میں چلی گئی۔
روزنامہ دنیا ایپ انسٹال کریں
