بورس جانسن کو شتر مرغ نے کاٹ لیا، ویڈیو وائرل
لندن(نیٹ نیوز)سابق برطانوی وزیرِ اعظم بورس جانسن کو ایک شتر مرغ نے کاٹ لیا۔فوٹو اینڈ ویڈیو شیئرنگ پلیٹ فارم انسٹاگرام پر بورس جانسن کی اہلیہ کیری جانسن نے ویڈیو شیئر کر دی۔
حال ہی میں سابق برطانوی وزیرِ اعظم اہلِ خانہ کے ہمراہ گاڑی میں وائلڈ لائف پارک کی سیر و تفریح کر رہے تھے کہ اس دوران شتر مرغ کو دیکھنے کے لیے رک گئے ۔وائرل ویڈیو میں دیکھا جا سکتا ہے کہ بورس جانسن کا بیٹا ولفریڈ ان کی گود میں بیٹھا گاڑی کی کھڑکی سے شتر مرغ کو دیکھ کر محظوظ ہو رہا تھا کہ اچانک شتر مرغ نے بورس جانسن کے بازو پر چونچ مار دی، جس پر سابق برطانوی وزیرِ اعظم کی چیخ نکل گئی۔یہ منظر دیکھ کر بورس جانسن کا بیٹا اور اہلیہ خوب ہنستے رہے ، بعد ازاں بورس جانسن بھی ہنسنے لگے ۔ کیری جانسن نے مذکورہ ویڈیو اپنے انسٹاگرام اکاؤنٹ پر شیئر کرتے ہوئے لکھا ہے کہ کیسے شیئر نہ کریں، یہ بہت مضحکہ خیز ہے۔
