چین میں دنیا کا سب سے طویل پل تیار کرلیاگیا
بیجنگ(نیٹ نیوز)چین نے ایک اور انجینئرنگ کا شاہکار دنیا کے سامنے لانے کی تیاری مکمل کرلی، دنیا کو طویل ترین پل تعمیر کرلیا گیا جو جلد عوام کیلئے کھول دیا جائیگا۔
‘‘ہواجیانگ گرینڈ کینین برج’’ جو سطح زمین سے 625 میٹر بلندی پر واقع ہے اپنی تعمیر کے 95 فیصد مرحلے تک پہنچ چکا ہے اور توقع کی جا رہی ہے کہ یہ پل جون تک عام ٹریفک کیلئے کھول دیا جائیگا۔یہ سپر پروجیکٹ جو ‘زمین کی دراڑ’ پر پھیلا ہوا ہے، دونوں سمتوں میں دنیا کا پہلا پل ہوگا۔ انجینئرز کا کہنا ہے کہ یہ پل بیپان دریا کی وادی پر 2,890 میٹر (9,482 فٹ) طویل ہے اور زمین سے تقریباً 2,000 فٹ کی بلندی پر معلق ہے، جو اسے دنیا کا بلند ترین پل بناتا ہے۔ نیا پل شینزن شہر سے مغرب میں 800 میل کی دوری پر ہے۔ فی الحال وادی عبور کرنے کیلئے گھومتی سڑک پر تقریباً ایک گھنٹہ لگتا ہے۔ لیکن پل کی تکمیل کے بعد یہ فاصلہ صرف ایک منٹ میں طے ہو سکے گا ۔
