مریخ پر انسانی کھوپڑی جیسی پراسرار چٹان دریافت
لاہور(نیٹ نیوز)ناسا کے مریخ پر موجود روور نے حال ہی میں ایک حیران کن اور پراسرار چٹان کی تصویر لی ہے۔۔
جو انسانی کھوپڑی سے مشابہت رکھتی ہے ۔ اس غیر معمولی چٹان کو ناسا نے سکل ہل کا نام دیا ہے ، یہ دریافت 11 اپریل کو پرسویئرنس روور کے ذریعے مریخ کے جیجیرو کریٹر کی رم پر ماسٹ کیم-زی آلے کی مدد سے کی گئی۔ناسا کے مطابق جس علاقے میں سکل ہل دریافت ہوئی ہے وہ عمومی طور پر ہلکے رنگ اور گرد آلود سطح پر مشتمل ہے ، لیکن یہ چٹان اپنے سیاہ رنگ، نوکیلی ساخت اور سطح پر موجود چھوٹے گڑھوں کی وجہ سے واضح طور پر نمایاں نظر آتی ہے ۔ سکل ہل کی سطح پر موجود گڑھے ممکنہ طور پر چٹان میں موجود اجزاء کے کٹاؤ یا مریخ کی تیز ہواؤں کے باعث پیدا ہوئے ہیں۔ ناسا نے یہ امکان بھی ظاہر کیا ہے کہ یہ چٹان کسی قریبی آتش فشانی چٹان سے کٹ کر آئی ہو یا کسی شہابیے کے ٹکراؤ کے نتیجے میں یہاں تک پہنچی ہو۔
