ایک عام بادل کا وزن لاکھوں کلوگرام ہوتاہے :ماہرین
لاہور(نیٹ نیوز)یہ سن کر حیرت ہوتی ہے مگر حقیقتاً ایک عام بادل کا وزن لاکھوں کلوگرام ہو سکتا ہے ،ماہرین کے مطابق ایک عام کُمولَس (Cumulus) بادل جو آسمان پر سفید، گول اور پھولا ہوا نظر آتا ہے ۔۔
کا وزن تقریباً 5 لاکھ کلوگرام یا 5 کروڑ گرام ہو سکتا ہے ۔ یہ تقریباً 100 ہاتھیوں کے وزن کے برابر ہے لیکن بادل اتنے بھاری ہونے کے باوجود اُڑتے کیسے ہیں؟اتنا وزن ہونے کے باوجود بادل زمین پر اس لیے نہیں گرتے کیونکہ ان میں موجود پانی بہت باریک قطرے یا بھاپ کی صورت میں ہوتا ہے ۔یہ قطرے ہوا میں معلق ہوتے ہیں جیسے گرد یا دھواں ہوا میں ہوتا ہے ۔ گرم ہوا نیچے سے اوپر اٹھتی ہے جو ان قطروں کو سنبھالے رکھتی ہے اور جو بادل آندھی، بارش، بجلی یا طوفان لاتا ہے تو اس کے سامنے اس بادل کا وزن بھی کچھ معنی نہیں رکھتا۔ طوفانی بادل کا وزن 10 کروڑ کلوگرام یا اس سے بھی زیادہ ہوسکتا ہے ۔
