کروڑوں کا مالک دنیا کا امیر ترین بھارتی بھکاری
ممبئی(نیٹ نیوز)دنیا کے امیر ترین بھکاری کا اعزاز بھارت کے شہر ممبئی کے بھارت جین کو حاصل ہے ۔ 54 سالہ بھارت جین کا تعلق بھارتی شہر ممبئی سے ہے۔
جو کہ پیشہ کے لحاظ سے پچھلے 40 سالوں سے بھیک مانگتے آرہے ہیں۔اس بھیک مانگنے سے روزانہ ان کی آمدنی تقریباً 2,000 سے 2,500 بھارتی روپے یعنی 8200 پاکستانی روپے ہوتی تھی۔ اس طرح ان کی ماہانہ آمدنی 60,000 سے 75,000 بھارتی روپے بن جاتی تھی۔بھارت جین نے اپنی آمدنی کو سمجھداری سے استعمال کرتے ہوئے سرمایہ کاری کی۔ ممبئی میں دو فلیٹس، جن کی مجموعی مالیت تقریباً 1.4 بھارتی کروڑ روپے تھی، خریدے ۔اس کے علاوہ انہوں نے دو دکانیں بھی کرائے پر چڑھائیں جن سے ماہانہ 30,000 کرایہ حاصل ہوتا ہے ۔ بھارت جین ایک شادی شدہ شخص ہیں اور ان کے دو بیٹے بھی ہیں جو مہنگے اسکولوں میں زیر تعلیم ہیں۔
روزنامہ دنیا ایپ انسٹال کریں
