اسلام آباد کچہری میں ہونے والی دہشتگردی کی تحقیقات کے حوالے سے اہم انکشافات سامنے آئے ہیں۔ دہشتگرد شمالی وزیرستان سے بنوں کے راستے راولپنڈی پہنچے تھے۔
اسلام آباد: (دنیا نیوز) تفتیشی ذرائع کے مطابق دہشتگردی کے واقعے کے تانے بانے شمالی وزیرستان سے ملتے ہیں۔ دہشتگرد شمالی وزیرستان سے بنوں کے راستے راولپنڈی میں پیرودھائی اڈے تک پہنچے، دہشتگردوں نے برقعے پہن رکھے تھے اور ان کی آمد کے بارے میں راولپنڈی اور اسلام آباد کی پولیس کو جمعے کے روز پیشگی اطلاع دے دی گئی تھی۔ تفتیشی ذرائع کا کہنا ہے جڑواں شہروں کی پولیس کو دہشتگردوں کے بارے میں تحریری طور پر آگاہ گیا گیا تھا تاہم پیر ودھائی پہنچنے کے بعد دہشتگرد کہاں گئے۔ اس بارے میں کچھ معلوم نہیں ہو سکا۔
روزنامہ دنیا ایپ انسٹال کریں
