عمران کو کتابیں فراہم کرنے ، بیٹوں سے بات کرانے کا حکم
راولپنڈی (خبر نگار ،دنیا نیوز)بانی پی ٹی آئی عمران خان کی کتب فراہمی اور بچوں سے ٹیلیفونک گفتگو کی درخواستیں منظور کر لی گئیں ۔
انسداد دہشتگردی عدالت کے جج امجد علی شاہ نے بانی کی کتب فراہمی اور بچوں سے ٹیلی فونک گفتگو کرانے کی درخواستوں پر سماعت کی، عدالت نے دونوں درخواستیں منظور کر لیں۔عدالت نے حکم دیا کہ عید سے قبل ملزم کی بچوں سے ٹیلی فونک گفتگوبھی کرائی جائے ، ملزم کو کتابیں بھی فراہم کی جائیں۔انسداد دہشت گردی عدالت نے سپرنٹنڈنٹ اڈیالہ جیل کو ہدایات جاری کر دیں۔یاد رہے کہ بانی پی ٹی آئی کے وکیل نے جی ایچ کیو حملہ کیس میں متفرق درخواستیں دائر کر رکھی تھی،دونوں درخواستوں پر گزشتہ روز پراسیکیوٹر اور وکلا صفائی کی جانب سے دلائل مکمل کئے گئے تھے ۔
روزنامہ دنیا ایپ انسٹال کریں
