عوام کو درپیش مسائل ترجیحی بنیادوں پر حل کئے جائیں، زرداری
نواب شاہ(مانیٹرنگ ڈیسک)صدر مملکت آصف علی زرداری نے نواب شاہ میں پاکستان پیپلز پارٹی سندھ کے ورکرز اور پارٹی قیادت سے بلاول ہاؤس میں ملاقات کی اور صوبے کی سیاسی صورتحال و جاری ترقیاتی منصوبوں پر تبادلہ خیال کیا۔
ایوان صدر کی جانب سے جاری بیان کے مطابق ملاقات میں رکن سندھ اسمبلی اور پیپلز پارٹی ویمن ونگ کی مرکزی صدر فریال تالپور بھی موجود تھیں۔ ملاقات میں صوبے کی مجموعی سیاسی صورتحال اور ترقیاتی منصوبوں پر تبادلہ خیال کیا گیا۔ ملاقات میں صوبے میں عوامی فلاحی منصوبوں اور درپیش مسائل پر بھی گفتگو کی گئی۔ بیان کے مطابق صدر مملکت آصف علی زرداری نے حکومت کو ہدایت کی کہ عوام کو درپیش مسائل ترجیحی بنیادوں پر حل اور ترقیاتی منصو بوں کو جلد از جلد مکمل کیا جائے۔
روزنامہ دنیا ایپ انسٹال کریں
