ملک مہر علی کی کہانیاں‘ اکبر معصوم اور انجم قریشی

آج پنجابی صفحے میں سب سے پہلے تذکرہ ہے ملک مہر علی کے افسانوی مجموعے ''ڈھاہ لگی وستی‘‘ کا۔ یہ ایک انعام یافتہ کتاب ہے جسے مسعود کھدّر پوش پہلا انعام دیا گیا۔ اس کے علاوہ اس پر پاکستان اور بھارت دونوں ملکوں میں ایم فِل کا مقالہ لکھا گیا اور بھارت ہی میں اسے ہندی میں ترجمہ کر کے بھی چھاپا گیا۔

اس میں گیارہ کہانیاں ہیں‘ سانجھ پبلی کیشنز لاہور نے چھاپا ہے اور اس کی قیمت 300 روپے رکھی ہے۔ اس کے تحسین کرنے والوں میں بے شمار ادیب شامل ہیں۔ جگہ کی کمی کے باعث سب کی رائے تو درج نہیں کی جا سکتی البتہ نام پیش کر رہا ہوں۔ اس کا دیباچہ الیاس گھمن اور حفیظ خاں نے لکھا ہے جبکہ پسِ سرورق رائے دہندگان میں فرخندہ لودھی‘ منشا یاد‘ اختر امام رضوی‘ افتخار عارف‘ اسلم سراج الدین، جتندر (جالندھر، بھارت) میر تنہا یوسفی اور سیف علی جیسے معتبرین شامل ہیں۔

کتاب کے آخر میں بھی اس کتاب کی تعریف کرنے والوں کی لائن لگی ہوئی ہے۔ شفقت تنویر مرزا کا انگریزی اخبار میں شائع ہونے والا تبصرہ اور اس کے علاوہ محمد الیاس‘ محمد حمید شاہد‘ ڈاکٹر وحید احمد‘ زاہد حسن‘ حکیم صفدر حسین وامق‘ خالد فرہاد دھاریوال‘ قمر الزماں اور محمد اکرم خاں کی رائے ہے۔ کچھ شعراء نے مصنف کو شعری خراج بھی پیش کیا ہے جن میں اختر رضا سلیمی‘ رانا سعید دوشی اور اختر شیخ شامل ہیں۔ اختر رضا سلیمی کی نظم : مہر علی تو لکھیا سا / قبر سکھلّی نئیں بننی / اِسنے آستے بندے کی خود مرنا پینا / مہر علی! / اوہناں دناں چ مرنا کتنا اوکھا سا / ہُن زمانہ بدل گیا ای / ڈھاہ لگی بستی نیا باسیا / باہر نکل کے اپنے باگے در اک جھاتی مار / پھلاں نی جاڈا لیاں اُپر کِھڑے پئے انگار / ڈالی ڈالی کمبنی پئی آ / دھرتی سولاں جمنی پئی آ / لکیاں ہویاں پھل نے کلیاں / چارے چوکاں موت نے ملیاں / تک رَتے پانی پر ترنے مسجد نیں مینار/ ہُن حیاتی رہ گئی آ بس دو نفلاں نی مار / موت نا اجیہا بھانبڑ مچیا/ رونے آلا ای نئیں بچیا / سدااوہناں نے رونے آستے میر جہیا کوئی ہور / بلھے شاہ تے مرنا ناہیں‘ گور پیا کوئی ہور۔

رانا سعید دوشی کی یہ چھوٹی سی نظم بھی دیکھیے :

مہر علی دی دکھی وچوں اُٹھن والی

اک اولّی پیڑ جدوں وی

اکھ دا پانی بن دی اے

فیر کہانی بن دی اے

اس کے علاوہ آخر پر مشکل الفاظ کے اُردو میں معنی دیئے گئے ہیں۔ اس نہایت سمارٹ کتاب کا انتساب اس طرح سے ہے۔

محمد اصغر

ڈھاہ لگی وستی

تے

اوس دے وسنیکاں

دے نال

اب کچھ شاعری بھی ہو جائے‘ اکبر معصوم کا پنجابی مجموعہ ''نیندر پچھلے پہر دی‘‘ جلد ہی چھپ کر منصہ شہود پر آنے والا ہے۔ اس میں سے یہ غزلیں :