4ماہ:خوراک کی برآمدات 30فیصد تک بڑھ گئیں
کراچی(این این آئی)رواں مالی سال کے پہلے 4 ماہ میں خوراک کی برآمدات 30 فیصد تک بڑھ گئیں۔ جولائی تا اکتوبر1 ارب 94 کروڑ 47 لاکھ ڈالر کی غذائی اشیا برآمد کی گئیں۔
رپورٹ کے مطابق 4 ماہ کے دوران چاول کی برآمدات 30 فیصد اضافے سے 71 کروڑ ڈالر سے تجاوز کرگئی جبکہ پھلوں کی برآمدات 13.53 فیصد بڑھی، حجم 10 کروڑ 89 لاکھ ڈالر رہا۔ مصالحوں کی ایکسپورٹ 24.56 فیصد اضافے سے 3 کروڑ 47 لاکھ ڈالر جبکہ آئل سیڈز، میوہ جات کی برآمدات 292 فیصد اضافے سے 30 کروڑ 68 لاکھ ڈالر رہی۔ چینی کی ایکسپورٹ میں 100 فیصد اضافہ ریکارڈ کیا گیا، گوشت کی برآمدات 18.77 فیصد اضافے سے 15 کروڑ 25 لاکھ ڈالر رہیں۔
روزنامہ دنیا ایپ انسٹال کریں
