اسٹیٹ بینک نے ایکسپورٹرز کیلئے قوانین میں نرمی کردی

اسٹیٹ بینک نے ایکسپورٹرز کیلئے قوانین میں نرمی کردی

کراچی(کامرس ڈیسک)اسٹیٹ بینک نے ایکسپورٹرز کیلئے قوانین میں نرمی کرتے ہوئے ایکسپورٹرز کو بیرون ملک اکاؤنٹ میں موجود رقوم پیشگی اجازت کے بغیر استعمال کرنے کی اجازت دے دی ہے ۔

اسٹیٹ بینک نے ایکسپورٹ میں بہتری لانے کیلیے ایکسپورٹرز کو اسپیشل فارن کرنسی اکاؤنٹس میں رکھی ہوئی رقوم اسٹیٹ بینک سے پیشگی اجازت کی وصولی کے بغیر استعمال کرنے کی اجازت دے دی ہے ۔اسٹیٹ بینک کی جانب سے تمام مجاز ڈیلرز کے صدور اور چیف ایگزیکٹیوز کو بھیجے گئے مراسلے میں کہا گیا ہے کہ ایکپسورٹ کی بہتری اور کاروبار کو آسان بنانے کیلیے ایکسپورٹرز کو بیرون ملک اسپیشل فارنس کرنسی اکاؤنٹس میں موجود رقم استعمال کرنے کی اجازت دی جاتی ہے ، اب اس حوالے سے کسی اجازت نامے کی ضرورت نہیں ہوگی۔ چیف ایگزیکٹیو، پاکستان بزنس کونسل، احسان ملک نے فیصلے کو خوش آئند قرار دیتے ہوئے کہا کہ اس سے اشیاء اور خدمات کی ایکسپورٹ پر مثبت اثرات مرتب ہوں گے ۔انہوں نے کہا کہ نوٹیفکیشن میں رقم کی جو حد بیان کی گئی ہے ، وہ تو پہلے بھی موجود تھی، تاہم اس سے ایکسپورٹرز کے ذہنوں میں موجود بہت سی کنفیوژن دور ہوگئی ہیں، اب وہ ہر قسم کے معاملے میں فنڈز کا استعمال کرسکتے ہیں۔

 

Advertisement
روزنامہ دنیا ایپ انسٹال کریں