ڈالر کی قدر میں معمولی اضافہ، تولہ سونا 900روپے سستا
کراچی(بزنس رپورٹر)انٹربینک مارکیٹ میں جمعرات کو ڈالر کے مقابلے روپے کی قدر میں معمولی کمی دیکھی گئی۔
ادھرعالمی و مقامی مارکیٹوں میں سونے کی قیمتوں میں کمی ریکارڈ کی گئی۔اسٹیٹ بینک کے مطابق انٹربینک میں ڈالرایک پیسے کے اضافے سے 284.97 روپے پر جاپہنچا۔دوسری جانبعالمی بلین مارکیٹ میں سونا 9 ڈالر کی کمی سے 3326 ڈالر فی اونس کا ہوگیا۔بین الاقوامی مارکیٹ میں سونے کے نرخ میں کمی کے باعث مقامی سطح پر بھی فی تولہ سونا 900 روپے کی کمی سے 3 لاکھ 55 ہزار 100روپے کا ہوگیا۔اسی طرح دس گرام سونے کی قیمت 771 روپے کی کمی سے 3 لاکھ 4 ہزار 414 روپے ہوگئی۔یاد رہے کہ بدھ کو سونے کی فی تولہ قیمت 3 ہزار روپے کی کمی سے 3 لاکھ 56 ہزار روپے ہوگئی تھی۔دریں اثنا چاندی کی فی تولہ 50 روپے کی کمی سے 3964 روپے ہوگئی۔
روزنامہ دنیا ایپ انسٹال کریں
