گوجرہ :ڈکیتی وچوری کی وارداتیں،6شہری مال وزر سے محروم
گوجرہ(نما ئندہ دُنیا )گوجرہ میں ڈکیتی وچوری کی وارداتوں کا سلسلہ جاری،6شہری مال وزر سے محروم ۔معلوم ہواہے کہ۔۔۔
چک نمبر278ر ب کے رہائشی محمد فاروق کی مونگی روڈپر واقع کباڑ کی دکان پر موٹر سائیکل سوار تین نامعلوم ڈاکوؤں نے آکر اس سے گن پوائنٹ پر35ہزارروپے سے زائد نقدی،تین قیمتی موبائل اور5سو ریال چھین لئے ۔تکیہ پھمن سائیں کے رہائشی نصیراحمد سے موٹر سائیکل اورہزاروں روپے نقدی وقیمتی موبائل چھین لیا گیا جبکہ نامعلوم چوروں نے چک نمبر243گ ب کے ظہور الحق کی دکان کریانہ کے تالے توڑ کراندر سے 17ہزارروپے نقدی اور سامان کریانہ ،سمندی روڈ پرریاض بٹ کی فیکٹری سے 50ہزار نقدی اور7لاکھ مالیت کے جوتے ،پینسرہ روڈ کے مدثر کی بیکری سے 20ہزار نقدی ،سعید امین کی ریلوے روڈ پر واقع سینیٹری کی دکان سے دولاکھ روپے مالیتی سامان چوری کر لیا جبکہ ملزم موقع سے فرارہو گئے ۔
