ڈی پی او ٹوبہ ٹیک سنگھ کی پیرمحل میں کھلی کچہری
پیرمحل (نمائندہ دنیا )ڈی پی او ٹوبہ ٹیک سنگھ عبادت نثار کی ٹی ایم اے ہال پیرمحل میں کھلی کچہری کا انعقاد،شہریوں کے مسائل فوری حل کرنے کے احکامات دیدیئے ۔
تفصیلات کے مطابق ڈسٹرکٹ پولیس آفیسر ٹوبہ ٹیک سنگھ عبادت نثار نے سی ایم پنجاب مریم نواز اور انسپکٹر جنرل آف پولیس پنجاب ڈاکٹر عثمان انور کی خصوصی ہدایت پر عوام الناس کے مسائل سننے اور انہیں حل کرنے کیلئے ٹی ایم اے ہال پیرمحل میں کھلی کچہری کا انعقاد کیا جہاں سائلین مختلف شکایات اور مسائل لیکر پیش ہو ئے ۔ڈی پی او ٹوبہ نے شہریوں کے مسائل سنے اور موقع پرہی ان کے حل کے احکامات جاری کر دیئے ۔اس موقع پر ڈ ی پی او ٹوبہ نے کہا کہ کھلی کچہری کا مقصد پیرمحل اور اس سے ملحقہ علاقہ جات کے لوگوں کے مسائل خود آ کر سننا ہے تاکہ عوام اپنی شکایات خود پیش ہو کر بیان کرسکیں ، اس موقع پر ملک ریاض ایس ڈی پی او پیرمحل ، ایس ایچ او تھانہ پیرمحل کے علاوہ میڈیا نمائندگان بھی موجود تھے ۔
